Bahodir Jalolov Tayson Fyuri va Frensis Ngannu o‘rtasidagi jang oldidan tashkil etilgan tadbirda ishtirok etmoqda (video) 

Saudiya Arabistonining Ar-Riyod shahrida 28-oktyabr kuni Queensberry kompaniyasi tomonidan boks kechasi tashkil etiladi.

Kechaning asosiy jangi og‘ir vazn toifasida WBCning maxsus kamari uchun Tayson Fyuri (33-0-1) va Frensis Ngannu (professional boksda debyut) o‘rtasida kechadi. 

Ushbu jang oldidan boks yulduzlari ishtirokida turli marosimlar tashkil etildi. Unda Menni Pakyao, Mayk Tayson, Amir Xon, Dmitriy Bivol kabi bokschilar ishtirok etmoqda. Shuningdek, o‘zbekistonlik bokschi Bahodir Jalolov ham Ar-Riyodda ular bilan birgalikda tadbirlarda qatnashmoqda. Marosimda “An-Nassr” futbolchisi Krishtianu Ronalduni ham ko‘rish mumkin.