Lionel Messi Krishtianu Ronaldu bilan uzoq muddatli raqobati haqida gapirdi
Argentinalik futbolchi Lionel Messi Krishtianu Ronaldu bilan raqobat haqida gapirdi.
“Sport doirasida bu juda katta raqobat edi. Ikkalamiz ham raqobatni yaxshi ko‘ramiz. U ham doim g‘olib bo‘lishni xohlaydi.
Bu ikkalamiz uchun ham, futbolni yaxshi ko‘radigan insonlar uchun ham ajoyib davr edi. Biz cho‘qqiga chiqishga va u yerda uzoqroq qolishga loyiq edik.
Yuqoriga chiqish oson, lekin u yerda qolish qiyin. Krishtianu bilan esa biz 10—15 yil darajani ushlab tura oldik.
Ikkalamizni kuzatgan insonlar uchun ajoyib xotiralar qoldi”, — deydi Messi L’Equipe’ga bergan intervyusida.
Eslatib o‘tamiz, Lionel Messi 2023-yilgi “Oltin to‘p” sohibiga aylandi.