Menni Pakyao dekabrda Floyd Meyvezerga qarshi revansh jangi bo‘lishini ma’lum qildi 

Boks bo‘yicha sakkiz vazn toifasida sobiq jahon chempioni Menni Pakyao Floyd Meyvezerga qarshi revansh jangi bo‘lishi haqida gapirdi.

“Dekabr oyida Yaponiyada ko‘rgazmali jang bo‘ladi. Floyd bilan buning ustida ishlayapmiz. Agar u xohlasa, professional jang o‘tkazishimiz mumkin. Muzokaralar yakunida barchasi aniq bo‘ladi.

Konor Makgregorga qarshi jang? Menimcha, u endi ringda jang qilmasa kerak”, — deydi Pakyao.

Eslatib o‘tamiz, 2015-yilda Meyvezer hakamlar qaroriga ko‘ra (116-112, 116-112, 118-110) Menni ustidan g‘alaba qozongandi.