HAMAS musulmon davlatlarining G‘azo bo‘yicha rasmiy pozitsiyasini zaif deb atadi

Falastinning HAMAS harakati Siyosiy byurosi aʼzosi Usama Hamdan arab va musulmon davlatlarining G‘azo sektoridagi vaziyat bo‘yicha rasmiy pozitsiyalarini zaif deb atadi.

“Arab va musulmon davlatlarining rasmiy pozitsiyalari zaif, ular G‘azoda Isroil keltirib chiqarayotgan qirg‘inlar ko‘lamiga yetib bormayapti”, — dedi Hamdan arab telekanallari orqali chiqishida.

Avvalroq Falastin sog‘liqni saqlash vaziri May al-Kaylan Isroilning G‘azo sektoriga bergan zarbalari oqibatida kamida 150 nafar tibbiyot xodimi halok bo‘lganini ma’lum qilgandi.

Shuningdek, urush boshlangandan beri 46 nafar jurnalist halok bo‘lgani xabar berilgan.