Islom Maxachev va Charlz Oliveyra UFC 297 da jang qilishi mumkin 

UFC jangchilari Islom Maxachev va Charlz Oliveyra yanvar oyida oktagonga ko‘tarilishi mumkin.

Bu haqida jurnalist Ariel Helvani ma’lum qildi. Uning xabariga ko‘ra, hozirda muzokaralar olib borilmoqda.

Maxachev va Oliveyra UFC 297 turnirida jang qilishi mumkin. Avvalroq Torontoda bo‘lib o‘tadigan turnirning asosiy jangi Aleks Volkanovski va Iliya Topuriya o‘rtasida kechishi ma’lum qilingandi. Biroq ularning jangi fevralga ko‘chiriladi. 

Braziliyalik jangchi UFC 294 da Islom Maxachevning raqibi bo‘lishi kerak edi. Biroq, Oliveyraning jarohati tufayli uning o‘rnini Aleksandr Volkanovski egalladi. 

Islom Maxachev va Charlz Oliveyra o‘rtasidagi birinchi jangda Islom ikkinchi raundda muddatidan avval g‘alaba qozongandi.