Rossiya yadro qurolini olib yurishga qodir “Bulava” ballistik raketasini sinovdan o‘tkazdi (video)
Rossiya “Imperator Aleksandr III” yangi strategik yadro suvosti kemasi kreyseri yordamida “Bulava” ballistik raketasini sinovdan o‘tkazishni muvaffaqiyatli yakunladi. Bu haqda “RIA Novosti” xabar berdi.
Ma’lum qilinishicha, raketa uchirilishi odatdagidek suv osti holatida amalga oshirilgan. Raketa Oq dengizdan Kamchatkadagi Kura poligonida uchirilgan. Bu yakuniy sinov bo‘lib, shundan so‘ng uni dengiz flotiga qabul qilish to‘g‘risida qaror qabul qilinadi.
“Raketa kallaklari belgilangan vaqtda belgilangan hududga yetib keldi”, — deyiladi xabarda.
“Imperator Aleksandr III” — “Borey-A” oilasining yettinchi raketa tashuvchisi. Kema 16 ta “Bulava” qit’alararo ballistik raketalarini tashishga qodir. Rossiya qurollanish dasturi doirasida yana to‘rtta “Borey-A” suvosti kemasini qurish va flotga topshirish rejalashtirilgan.
