Isroil armiyasi G‘azoda 60 nafar askari halok bo‘lganini ma’lum qildi

Birgina G‘azo sektoridagi quruqlikdagi operatsiya davomida Isroil mudofaa kuchlarining yo‘qotishlari 61 kishiga yetdi. Bu haqida armiya matbuot xizmati saytida e’lon qilingan ma’lumotlarda aytiladi.

Isroil armiyasi maʼlumotlariga ko‘ra, 18-noyabr kuni Falastinning HAMAS harakati tarafdorlari bilan bo‘lgan janglarda yana uch askar halok bo‘lgan. Ular sektorning shimolida o‘ldirilgan.

Umumiy olganda 7-oktyabrdan beri Isroil armiyasida jami qurbonlar soni 383 nafarni tashkil etadi.

Avvalroq Isroilning G‘azo sektoriga uyushtirgan hujumlari oqibatida halok bo‘lganlar soni 12,3 ming kishidan oshgani xabar berilgandi.