G‘azo sektorida halok bo‘lganlar soni 12,3 ming kishidan oshdi

Isroilning G‘azo sektoriga uyushtirgan hujumlari oqibatida halok bo‘lganlar soni 12,3 ming kishidan oshdi. Bu haqda Falastin hukumatining G‘azodagi matbuot bo‘limiga tayanib Al Mayadeen xabar berdi.

7-oktyabrdan buyon Isroilning eksklavdagi hujumlari qurbonlari orasida 5 000 nafar bola va 3300 nafar ayol bor. Shuningdek, Isroil o‘qqa tutilishi oqibatida 200 nafar tibbiyot xodimi, 22 nafar fuqaro mudofaasi xodimi va 56 nafar jurnalist halok bo‘ldi.

Bundan tashqari, G‘azo sektori aholisining 30 ming nafardan ortig‘i jarohatlangan. Bedarak yo‘qolganlar soni 6 ming kishiga yetgan, ularning 4 ming nafari bolalar.