"Falastin maʼmuriyati hozirgi ko‘rinishida G‘azo sektori uchun javobgarlikni o‘z zimmasiga olishga qodir emas" — Netanyaxu

Mahmud Abbos boshchiligidagi Falastin maʼmuriyati G‘azo sektorida hozirda davom etayotgan Isroil harbiy amaliyotidan so‘ng uni boshqarish uchun masʼuliyatni o‘z zimmasiga olishga qodir emas. Bu haqda Isroil bosh vaziri Binyamin Netanyaxu maʼlum qildi.

“O‘ylashimcha, Falastin maʼmuriyati hozirgi ko‘rinishida G‘azo sektori uchun javobgarlikni o‘z zimmasiga olishga qodir emas”, — dedi u.

Netanyaxu Isroil armiyasi anklav uchun kurashganidan so‘ng G‘azo ustidan nazoratni Abbosga topshirishni noto‘g‘ri deb hisoblashini qo‘shimcha qildi.

Bundan tashqari, u HAMASning jangari qanoti tomonidan 7-oktyabr kuni Isroilga uyushtirilgan hujumni Mahmud Abbos haligacha qoralamaganini taʼkidladi.