O‘zbekistonliklar Yevropaga ishga taklif qilinmoqda. Maosh ikki ming yevrogacha

O‘zbekistonliklar Yevropa davlatlariga yuk avtomobili haydovchisi sohasiga ishga taklif etilmoqda. Bu haqda Tashqi mehnat migratsiyasi agentligi axborot xizmati xabar berdi.

Ma’lum qilinishicha, ish turi — yuk avtomobili haydovchisi (C,E toifasidagi haydovchilik guvohnomasi). Ish haqi: 1500—2000 yevro (soliqlar ushlangandan keyin). Imkoniyatlar:

• kod 95 trening;
• to‘liq ijtimoiy kafolatlar to‘plami;
• Euro 6 standartidagi yangi avtomobilda ishlash;
• pullik stajirovka;
• Toshkent shahrida nazariy va amaliy mashg‘ulotlar;
• ishga joylashish uchun tayyorgarlik.

Talablar:

• 21 yoshdan 50 yoshgacha;
• Yevropa yoki MDH davlatlarida 1 yillik ish tajribasi;
• Taxograf uchun raqamli karta;
• ADR sertifikati;
• rus tilini bilish;
• kafil bilan shartnoma imzolanishi;
• sudlanmaganlik;
• xorijga chiqishga taqiq yo‘qligi.