Tramp Baydenning aqliy qobiliyatlari ustidan kulmaslikka chaqirdi

AQSHning sobiq prezidenti Donald Tramp o‘z ritorikasini o‘zgartirdi va odamlarni Jo Baydenning aqliy qobiliyatlari ustidan kulmaslikka chaqirdi. Bu haqda Tramp Ayovadagi tarafdorlari bilan uchrashuvda ma’lum qildi.

“Kognitiv jihatdan u unchalik yaxshi holatda emas. Lekin bu juda kulgili emas, bu haqda hazil qilmaslik kerak. Bunga jiddiy yondashish kerak, chunki biz yadroviy qurol bo‘yicha buyruq berishi mumkin bo‘lgan inson haqida gapiryapmiz. Bu umuman kulgili emas”, — dedi AQSHning sobiq prezidenti Donald Tramp.

Bir hafta oldin energetika kompaniyasi xodimlari bilan uchrashuv chog‘ida Jo Bayden ulardan birining qo‘lida masofadan boshqarish pultini ko‘rdi. Amerika Qo‘shma Shtatlari prezidenti xuddi shunday pultni dengiz piyodasi vakili uning ortidan doimo ko‘tarib yurishini, istalgan paytda butun dunyoni portlatib yuborishi mumkin bo‘lgan kodga egaligini aytib o‘tdi.

Keyinchalik prezident matbuot xizmati Baydenning bu so‘zlarini hazil deb atadi.