Gulistonda 19 yoshli qiz bedarak yo‘qoldi. IIB fuqarolarga murojaat qildi
Sirdaryo viloyati Guliston shahrida 20 yoshli qiz bedarak yo‘qoldi. IIB fuqarolarga murojaat qildi. Bu haqda viloyat IIB axborot xizmati xabar berdi.
Ma’lum qilinishicha, Guliston shahar, “Ma’naviyat” MFY, Suvchilar ko‘chasi, 97-uyda yashagan, 2004-yil 20-iyulda tug‘ilgan, millati o‘zbek, Abdullayeva Tursunoy 2023-yil 15-noyabr kuni yashash xonadonidan chiqib ketib bedarak yo‘qolgan.
Alohida belgilari: bo‘yi 165-170 sm, sochi uzun, ko‘zlari qora yumaloq, labi, burni va quloqlari o‘rtacha kattalikda, yuzi cho‘zinchoq bug‘doy rangli. Egnida qaymoqrang kurtka, qora rangli shim, oq rangli sport oyoq kiyimi, qo‘lida oq rangli ayollar ryukzagi bo‘lgan.
Ushbu fuqaro topilishida ko‘maklashgan fuqarolar o‘n million so‘m pul mablag‘i bilan mukofotlanadi hamda ma’lumot bergan shaxslarning shaxsiga oid ma’lumotlari sir saqlanishi kafolatlanadi. Ushbu shaxs haqida ma’lumotga ega bo‘lgan fuqarolardan quyidagi telefon raqamlariga murojaat qilishlari so‘ralgan: 102, 97-121-55-05, 91-135-45-55, 67-343-51-11
