Olaf Shols Yevropada gaz narxining oshishida Rossiyani aybladi
Germaniya kansleri Olaf Shols Yevropada energiya narxining oshishida Rossiya prezidenti Vladimir Putinni aybladi. Uning so‘zlariga ko‘ra, Germaniya hukumati Norvegiyadan ko‘proq gaz sotib olishga va LNG terminallarini yaratishga majbur va bu ancha qimmatga tushadi.
Shols o‘z bayonotini Germaniya Sotsial-demokratik partiyasi (SDP) qurultoyida aytdi. Unga ko‘ra, Rossiyadan gaz yetkazib berish to‘xtatilgach, Germaniya olgan gazning yarmini yo‘qotgan, Yevropaga esa 120 milliard kub metr yoqilg‘i yetishmay qolgan.
Rossiya Yevropaga energiya yetkazib berishni to‘xtatdi. Aynan Rossiya prezidenti ishlayotgan gaz quvuri orqali gaz yetkazib berishni to‘xtatgan.
Kansler, shuningdek, yetkazib berishning uzilishi energiya narxiga jiddiy ta’sir ko‘rsatganini, jahon bozorlarida gaz uchun avvalgidan 10 barobar ko‘proq to‘lashga majbur bo‘lganini aytdi.
Uning qayd etishicha, Germaniya hukumati vaziyatni to‘g‘rilash uchun keskin choralar ko‘rishga majbur bo‘lgan. Hukumat Norvegiyadan ko‘proq gaz sotib olishga va mamlakat shimolida LNG terminallarini qurishga qaror qilgan.
