Buyuk Britaniyada sudyalarga ChatGPT’dan foydalanishga ruxsat berildi
Buyuk Britaniyada sudyalar endi qonuniy qarorlar qabul qilishda yordam olish uchun sun’iy intellektga murojaat qilishlari mumkin. Bu haqda The Telegraph xabar berdi.
Britaniya sudyalari ChatGPT’ning foydaliligiga ishonch bildirishdi. Jumladan, ulardan biri sun’iy intellekt vositasini “juda foydali” deb ta’rifladi. Biroq, rasmiy ko‘rsatmalarga ko‘ra, chatbotlardan foydalanish qonun matnni umumlashtirish va ma’muriy vazifalarni bajarish kabi asosiy vazifalar bilan cheklanadi.
Uels va Angliyadagi fuqarolik adliya reyestrining yetakchisi Jeffri Vos sun’iy intellekt tezroq va yaxshiroq raqamli adliya tizimini yaratish imkoniyatini berishini aytdi. U ishlab chiqilgan yo‘riqnomalar sudyalarga yangi tizim imkoniyatlarini tushunishga yordam berishini bildirdi.
“Texnologiya faqat oldinga siljiydi va sud tizimi undan foydalanishi istisno emas. Biroq sudyalar AI nafaqat to‘g‘ri, balki noaniq javoblarni ham berishi mumkinligini aniq bilishlari kerak”, — dedi Jeffri Vos.
Bu sud amaliyotida sun’iy intellektni joriy etishdagi birinchi qadam bo‘lib, advokatlik firmalari uni qo‘llab-quvvatlamoqda. Biroq mutaxassislar ChatGPT’dan mas’uliyatli foydalanish zarurligi haqida ogohlantiradi.
Huquq jamiyati prezidenti Nik Emmerson sun’iy intellektdan foydalanish orqali sud qarorlarini takomillashtirish potensialini e’tirof etadi. Ammo u sudyalar sud ixtiyorida asosiy rol o‘ynashi, avtomatik tarzda yaratilgan javoblar va inson tomonidan qabul qilingan qarorlarni ajrata olish kerakligini ta’kidlaydi.
