Dana Uayt UFC 300 da juda ko‘p yulduz jangchilar ishtirok etishini ta’kidladi 

Dana Uayt UFC 300 turnirida juda ko‘p yulduzlar ishtirokida janglar bo‘lishini va’da qildi.

UFC prezidenti ushbu turnirda katta janglar bo‘lib o‘tishini ta’kidladi.

“Odamlar: Jin ursin, bu hali prelimning birinchi jangimi? Axir, bu ikkalasi prelimlarni ochishi kerak emasdiku!, deya hayron qoladi. 300-turnir mana shu darajada yaxshi o‘tadi. Unda ko‘plab ajoyib jangchilarni ko‘rasiz”, — deydi Uayt.

Eslatib o‘tamiz, UFC 300 turniri 2024-yilning aprel oyida bo‘lib o‘tadi. Hozirda musobaqa mezboni Las-Vegas (AQSH) bo‘lishi e’lon qilingan. Biroq manzil yana o‘zgarishi mumkin.