Superligada 2023-yilgi mavsumning eng yaxshi murabbiyi bo‘lish uchun nomzodlar soni qisqardi

Futbol bo‘yicha O‘zbekiston Superligasida mavsumning eng yaxshilarini aniqlash boshlandi.

Superliganing 2023-yilgi mavsumi yakunlariga ko‘ra eng yaxshi murabbiy bo‘lish uchun sakkiz nafar mutaxassis kurash olib borayotgandi. Endilikda “Surxon” murabbiyi Sergey Arslonov hamda “Metallurg” ustozi Vesko Steshevich ochkolarga ko‘ra ro‘yxatdan chiqarildi, deya xabar bermoqda PFL.

Shu tariqa Ro‘ziqul Berdiyev (“Nasaf”), Maksim Shatskix (“Paxtakor”), Samvel Babayan (“Navbahor”), Aleksandr Xomyakov (“Andijon”), Vitaliy Levchenko (“Neftchi”) va Mirjalol Qosimov (“OKMK”) kabi murabbiylar eng yaxshi bo‘lish uchun kurash olib boradi.

Ma’lumot uchun, 2023-yilgi mavsum davomida Levchenko (mart), Shatskix (aprel), Qosimov (may), Xomyakov (iyun), Levchenko (avgust), Steshevich (sentyabr), Berdiyev (oktyabr), Arslonov (noyabr) kabilar oy murabbiyi sifatida tan olingandi.