Islandiyada vulqon otilib, shahar aholisi evakuatsiya qilindi (video)

Islandiyaning janubi-g‘arbiy qismida, Reykyanes yarim orolida bir necha hafta davom etgan kuchli zilzilalardan so‘ng vulqon otila boshladi. Bu haqda BBC xabar berdi.

Vulqon oqibatida Grindovik shahridan to‘rt mingga yaqin odam evakuatsiya qilindi. Vulqon yaqinida joylashgan geotermal kurortlar yopildi. Tabiat hodisasi 18-dekabr kuni kechqurun boshlangan. Islandiya meteorologiya xizmati ma’lumotlariga ko‘ra, vulqondagi yoriq uzunligi taxminan 3,5 kilometrni tashkil qiladi va lava sekundiga 100 dan 200 kub metrgacha tezlikda otiladi.

Islandiya poytaxti Reykyavik atrofidagi hududda oktyabr oyi oxiridan boshlab seysmik faollik kuchaygan. Kuzda Islandiya hukumati Grindavik uchun himoya devorlarini qurishni boshladi.