Yaponiyaliklar noodatiy dizaynga ega “ko‘rinmas” uyni taqdim qildi (video)
Yaponiyaning Isigaki orolida noodatiy dizaynga ega bo‘lgan “Yer” (Earth) nomli villa qurildi. Uning ko‘rinishi aylana shaklda bo‘lib, tepa qismi katta bog‘ maydoniga ega.
Tom qismi o‘simliklar bilan qoplanganligi sababli, manzara fonida uni payqash qiyin. Bitta chiqish-kirish joyi va yana bir nechta detallar orqali oddiy tepalik emasligini anglash mumkin.
Bu “ko‘rinmas” uyning konsepsiyasi Yaponiyalik arxitektor Sou Fudzimotoga tegishli bo‘lib, bino mamlakatning Okinava prefekturasining janubiy-g‘arbidagi 9900 kvadrat metr maydonda joylashgan.
Villa tom qismidagi bog‘dan tashqari okean oldida joylashganligi bilan ham ajratib turadi. Bundan tashqari, uyda sauna, basseyn, sport zali va yashash uchun barcha qulay sharoitlar bor.
Uyning har bir joyi tashqi ko‘rinishidan tortib, ichki qismiga qadar quvonch va qulaylik tuyg‘ularini uyg‘otish uchun yaratilgan.
