Toshkent kimyo xalqaro universiteti rektori 45 yoshida vafot etdi
Toshkent kimyo xalqaro universiteti rektori, iqtisodiyot fanlari nomzodi, professor Janpolat Kudaybergenov 21-dekabr kuni 45 yoshida vafot etdi. Bu haqda universitet matbuot xizmati xabar berdi.
Janpolat Xudoybergenov 1978-yil 10-martda Nukus shahrida tug‘ilgan. 2000-yilda Berdaq nomidagi Qoraqalpoq davlat universitetini, 2001-yilda “Umid” prezident jamg‘armasi orqali Birmingem universiteti (Buyuk Britaniya)ni tamomlagan.
2010—2014-yillarda Toshkent moliya instituti “Hisob va audit” fakulteti dekani lavozimida ishlagan. 2014—2017-yillarda Oliy va o‘rta maxsus taʼlim vazirligida ishlagan.
2018-yildan Yeoju texnika institutining o‘quv ishlari bo‘yicha prorektori. 2019-yildan O‘zbekistondagi birinchi xususiy oliy o‘quv yurti rektori lavozimida faoliyat yuritdi.
Janpolat Xudoybergenovning dafn marosimi 23-dekabr kuni Nukusda bo‘lib o‘tadi.
