APL. “Manchester Yunayted” safarda “Vest Hem”ga mag‘lub bo‘ldi
Futbol bo‘yicha Angliya Premyer Ligasining 18-turida “Manchester Yunayted” 23-dekabr, shanba kuni “Vest Hem” mehmoni bo‘ldi.
Birinchi bo‘limda darvozalar daxlsizligi saqlanib qoldi. Ikkinchi bo‘limda esa mezbonlar hisobni ochdi. 72-daqiqada Jarred Bouen o‘z nomini tabloga yozdirib qo‘ydi. Oradan 6 daqiqa o‘tib, Muhammad Kudus hisobni ishonchli ko‘rinishga olib keldi.
Qolgan daqiqalarda darvozalar ishg‘ol etilmadi va mankunianliklar navbatdagi mag‘lubiyatini qabul qilib oldi.
“Qizil iblislar” 28 ochko bilan 8-o‘rinda bormoqda. Bugungi bahsda g‘alaba qozongan “Vest Hem” esa ochkolarini 30 taga yetkazdi va 6-o‘ringa ko‘tarilib oldi.
APL
18-tur
23-dekabr, shanba
“Vest Hem” — “Manchester Yunayted” 2:0
Gollar: 1:0 – 72 Bouen, 2:0 – 78 Kudus.
“Vest Hem”: Areolya, Soufal, Zuma, Mavropanos, Emerson, Fornals, Uord-Prouz, Souchek, Lukas Paketa, Alvares, Kudus, Bouen.
“Manchester Yunayted”: Onana, Uan-Bissaka, Evans, Kambvala (Regilon, 84), Shou, Brunu Fernandesh, Maktominey, Maynu, Antoni (Pelistri, 73), Garnacho (Eriksen, 85), Heylund (Reshford, 57).
Ogohlantirishlar: Kudus (43), Evans (45), Brunu Fernandesh (51), Lukas Paketa (74).
