Murodjon Ahmadaliyevning Naoya Inouega qarshi jangi Saudiya Arabistonida bo‘lib o‘tishi mumkin

Birinchi yarim yengil vazn toifasida mutlaq jahon chempioni bo‘lgan Naoya Inoue 2024-yilda 3 ta jang o‘tkazishni rejalashtirmoqda.

Dastlab, may oyida Yaponiyada WBC kamariga da’vogar Luis Neriga qarshi ringga ko‘tariladi. Shundan so‘ng sentabr oyida o‘zbekistonlik Murodjon Ahmadaliyevga qarshi jang rejalashtirilgan. 

Xabarlarga ko‘ra, ushbu jangni tashkil etishga Saudiya Arabistoni qiziqish bildirmoqda. Agar kelishuv amalga oshsa, Murodjon va Naoya o‘rtasidagi jang Saudiyada bo‘lib o‘tadi.

Shuningdek, Inoue dekabr oyida Jon Riel Kazimoro yoki Sam Goodmanga qarshi ringga ko‘tariladi.