Zelenskiy: “2023-yilda AQSH Ukrainaga 24 mlrd dollardan ortiq harbiy yordam berdi”

2023-yilda Ukraina AQSHdan 24 milliard dollardan ortiq harbiy yordam oldi. Bu haqda Ukraina prezidenti Vladimir Zelenskiy X ijtimoiy tarmog‘ida yozgan.

“Joriy yil davomida Qo‘shma Shtatlar umumiy qiymati 24 milliard dollardan ortiq bo‘lgan 34 ta harbiy yordam paketini taqdim etdi”, — deya ta’kidladi u.

AQSH Davlat departamenti maʼlumotlariga ko‘ra, yordamning umumiy miqdori 44,3 milliard dollarni tashkil qiladi.

Avvalroq AQSH davlat kotibi Entoni Blinken Ukrainaga 250 million dollarlik harbiy yordam paketi berilishini ma’lum qilgandi. Bu AQSHning joriy yildagi oxirgi yordami bo‘ladi. 

Mazkur yordam NASAMS havo mudofaa tizimlari va HIMARS raketa tizimlari uchun o‘q-dorilarni, Stinger raketa tizimlarini va boshqalarni o‘z ichiga oladi.