Eronda Isroil razvedka xizmati bilan hamkorlikda ayblangan to‘rt kishi qatl etildi

Eronda Isroil razvedka xizmati “Mossad” bilan hamkorlikda ayblangan to‘rt kishi qatl etildi. Bu haqda “Mizan” agentligi ma’lum qildi.

Isroilning maxfiy tuzilmalari bilan hamkorlik ishi bo‘yicha jami 10 kishi hibsga olingan.

Maʼlumotlarga ko‘ra, Vafo Xenare, Aram Umari, Rahmon Parhazo va Nasim Namoziy katta pul evaziga Eron huquq-tartibot idoralari xodimlarining uylari va mashinalariga o‘t qo‘ygan. Ular shu yo‘l bilan mamlakat xavfsizligiga putur yetkazishni maqsad qilgan.

16-dekabr kuni  Isroil razvedka xizmati “Mossad”da ishlaganlikda ayblangan yana bir erkak Eronda qatl etilgandi. U maxfiy ma’lumotlarni to‘plash, shuningdek, “davlat tartibiga putur yetkazish va aksilinqilobiy guruhlar va tashkilotlarni targ‘ib qilish”da ayblangan.