Fitch Toshkent shahrining “barqaror” reytingini tuzishda davom etadi 

Xalq deputatlari Toshkent shahar kengashi qarori bilan Fitch Ratings yana shaharning reytingini tuzishda davom etadigan bo‘ldi. 

Qaror bilan Toshkent shahar hokimligining Toshkent shahrini xalqaro reytingdagi o‘rnini aniqlash bo‘yicha Fitch Ratings agentligini jalb etish to‘g‘risidagi taklifi maʼqullandi. Toshkent shahar hokimining o‘rinbosarlari shaharning xalqaro reytingdagi o‘rnini aniqlash bo‘yicha Fitch Ratings agentligi bilan kelishuv bitimini imzolash masalasi yuzasidan tegishli choralarni ko‘rishi belgilandi. 

Toshkent shahar hokimining birinchi o‘rinbosari Toshkent shahar Iqtisodiyot va moliya bosh boshqarmasi reyting agentligi bilan imzolanishi ko‘zda tutilayotgan kelishuv bitimi talablariga asosan o‘rnatilgan tartibda Toshkent shahar mahalliy budjetining qo‘shimcha manbalari hisobidan mablag‘lar ajratadi.