Grizmann, Vinisius, Kroos va Rodrigo. WhoScored talqiniga ko‘ra La Liganing 2023-yildagi ramziy terma jamoasi e’lon qilindi 

WhoScored portali 2023-yil La Liganing ramziy terma jamoasini tuzdi. 

Ramziy jamoaga asosiy tarkibda kamida 25 marta maydonga tushgan, o‘z pozitsiyasida yuqori reytingga ega bo‘lgan futbolchilar kiritildi.

Tarkib quyidagicha ko‘rinish olgan:

Darvozabon: Konan Ledesma (“Kadis”, 6,92 ball);

Himoyachilar: Xuan Foyt (“Vilyarreal”, 7,02), Jyul Kunde (“Barselona”, 6,95), Loik Bade (“Sevilya”, 6,95), Xose Gayya (“Valensiya”, 6,90);

Yarim himoyachilar: Takefusa Kubo (“Real Sosyedad”, 7,20), Aleish Garsiya (“Jirona”, 7,17), Toni Kroos (“Real”, 7,09), Vinisius Junior (“Real”, 7,30);

Hujumchilar: Antuan Grizmann (“Atletiko”, 7,17), Rodrigo (“Real”, 7,28).