Yangi “galaktikos” ilinjida. Florentino Peres Kilian Mbappe va Erling Holandni “Real”ga olib kelmoqchi  

“Real” prezidenti Florentino Peres ikki yulduz futbolchini jamoaga olib kelmoqchi.

Le Parisien nashrining xabar berishicha, “Real” rahbari Kilian Mbappe (“PSJ”) va Erling Holandni (“Manchester Siti”) jamoada ko‘rmoqchi.

Lekin ularni bir vaqtda xarid qilish yoki 2024-yilda shartnoma imzolash borasida ma’lumotlar yo‘q.

Avvalroq, madridliklar qishki transferlar oynasida fransiyalik futbolchi bilan kelishishga urinib ko‘rishi xabar qilingandi. Agar Mbappe bilan kelishuv amalga oshmasa, Manchester klubi hujumchisiga e’tibor qaratiladi.