Kilian Mbappe YCHL 1/8 finaliga qadar kelajagi borasida yakuniy qarorni qabul qiladi 

“PSJ” 2024-yilning yozida Kilian Mbappe ketishi mumkinligini inkor etmayapti.

Avvalroq, “Real” fransiyalik futbolchi 15-yanvarga qadar kelajagiga oydinlik kiritishini xohlayotgani xabar qilingandi.

L’Equipe nashrining ma’lum qilishicha, Mbappe Chempionlar Ligasi 1/8 finali “Real Sosyedad”ga qarshi bahsdan oldin (14-fevral va 5-martda bo‘lib o‘tadi) kelajagi borasida yakuniy qarorni qabul qilmoqchi. Parij klubi hujumchisi Yevro—2024 musobaqasiga xotirjam tayyorgarlik ko‘rishni xohlayapti.

“PSJ” Kilian shartnomani uzaytirishiga ishonmoqda va futbolchining vakillari bilan bir nechta uchrashuv o‘tkazishni rejalashtirmoqda. Shu bilan birga, uning ketishi mumkinligi ham hisobga olinib, unga o‘rinbosar qidirish ishlari boshlangan.