Litva prezidenti: “Biz Ukrainaga 200 mln yevro miqdorida harbiy yordam beramiz”
2024-yil boshida Litva Ukrainaga M577 zirhli avtomobillari, o‘q-dorilar, generatorlar va detonatsiya tizimlarini yuboradi.
Bu haqda Litva prezidenti Gitanas Nauseda Vilnyusda ukrainalik hamkasbi Vladimir Zelenskiy bilan bo‘lib o‘tgan uchrashuv yakunlari bo‘yicha matbuot anjumani chog‘ida aytib o‘tdi.
Unga ko‘ra, Ukrainaga 200 million yevrolik uzoq muddatli yordam paketi ajratish 2022-yil avgustida tasdiqlangan.
“Litva Mudofaa kengashida biz Ukrainaga 200 million yevrolik uzoq muddatli harbiy yordam paketini ma’qulladik. Yanvar oyida biz yana Ukrainaga o‘q-dorilar, generatorlar, portlovchi vositalar, fevralda esa M577 zirhli mashinalarini yuboramiz. Shuningdek, Ukraina harbiylarini o‘qitish va harbiy sanoat sohasida hamkorlikni mustahkamlash borasida ish olib boramiz”, — dedi Gitanas Nauseda.
