O‘zbekistondagi ayollar va erkaklar soni ma’lum qilindi

Statistika agentligi O‘zbekistondagi erkaklar va ayollar soni haqida ma’lumot berdi.

O‘zbekistonning doimiy aholisi 2024-yilning 1-yanvar holatiga qariyb 36,8 mln kishini tashkil etgandi.

Agentlik ma’lumotiga ko‘ra, shundan:

• ayollar soni — 18 274 745 kishi;
• erkaklar soni — 18 525 011 kishi.

2024-yilning 1-yanvar holatiga doimiy aholi tarkibidagi erkaklar soni ayollar sonidan 250 266 nafarga ko‘p.

Statistika agentligi ma’lumotlariga ko‘ra, Respublikaning doimiy aholisi soni o‘tgan yilning mos davri bilan solishtirilganda 2,2 foizga oshgan.