Samarqandda 32 yoshli ayol o‘zini yoqib yubordi
Samarqand viloyati Payariq tumanida 32 yoshli ayol o‘zini yoqib yubordi. Bosh prokuratura holat yuzasidan “Daryo”ga maʼlumot berdi.
Unda aytilishicha, 1-yanvar kuni soat taxminan 09:30 larda Payariq tumani, “Madaniyat” MFY, Qoraxoni qishlog‘ida yashovchi,1991-yilda tug‘ilgan P.S. ruhiyatidagi o‘zgarish sababli o‘zining yashash uyi hovlisida o‘z ustiga suyultirilgan gaz kondensatini sepib, olov yoqqan va o‘z joniga qasd qilgan.
Ekspertiza xulosasiga ko‘ra, S.P.ning o‘limi murda tanasining 100 foiz termik kuyishi oqibatida yuzaga kelgani ko‘rsatilgan.
Mazkur holatda o‘zini o‘zi o‘ldirish darajasiga yetkazish jinoyati alomatlari mavjudligi hamda bir qator tergov harakatlarini o‘tkazmasdan turib qonuniy to‘xtamga kelish imkoniyati yo‘qligini inobatga olib, Jinoyat kodeksining 103-moddasi 1-qismi bilan jinoyat ishi qo‘zg‘atildi.
