Oleksandr Usik va Tayson Fyuri o‘rtasidagi jangning rasmiy posteri e’lon qilindi (foto) 

Boks bo‘yicha super og‘ir vazn toifasida WBA Super, IBF, WBO va IBO kamarlari sohibi Oleksandr Usik va WBC chempioni Tayson Fyuri o‘rtasida mutlaq Jahon chempionligi uchun jang 17-fevralda bo‘lib o‘tadi.

Tashkilotchilar jangning rasmiy posterini e’lon qildi. Unda ikkala bokschi ham kovboylar libosida namoyon bo‘lgan.

Eslatib o‘tamiz, 2023-yilning 28-oktyabr kuni Tayson Fyuri va Frensis Ngannu Ar-Riyodda ringga ko‘tarilgandi. Yakunda Fyuri hakamlarning qaroriga ko‘ra (94-95, 96-93, 95-94) g‘alaba qozondi.

Oleksandr Usik so‘nggi jangini o‘tgan yilning avgust oyida Daniel Dyubuaga qarshi o‘tkazib, 9-raundda texnik nokaut evaziga g‘alaba qozongandi.