AQSH armiyasi dunyoning eng kuchli armiyalar reytingida 1-o‘rinni egalladi
Global Firepower Index dunyodagi eng kuchli armiyalar reytingini e’lon qildi. Unga ko‘ra, AQSH Qurolli kuchlari reytingda birinchi o‘rinni egalladi.
AQSH armiyasiga 0,0699 jangovar kuch indeksi berilgan (indeks qanchalik past bo'lsa, jangovar kuch shunchalik katta bo‘ladi). Rossiya Qurolli kuchlari 0,0702 kuch indeksi bilan 2-o‘rinni egalladi.
Birinchi beshlikka Xitoy, Hindiston va Janubiy Koreya armiyalari kirdi, Britaniya armiyasi esa oltinchi o‘rindan joy oldi. Ukraina o‘tgan yilgi 15-o‘rindan 3 pog‘ona pastlab, 18-o‘rinni egalladi.
O‘zbekiston armiyasi Global Firepower Index reytingida 65-o‘rindan joy olgan. Armiyaga 1,1069 kuch indeksi berilgan.
Reytingda jami 145 ta davlat bor. Mazkur reyting har yili e’lon qilib boriladi. Reytingni tuzishda 60 dan ortiq omillar, jumladan, moliyaviy ko‘rsatkichlar va davlatlarning geografik joylashuvi hisobga olingan.
