Krishtianu Ronaldu: “Oltin to‘p” va The Best qaysidir ma’noda o‘z qiymatini yo‘qotmoqda
Portugaliyalik futbolchi Krishtianu Ronaldu “Oltin to‘p” va The Best sovrinlariga bo‘layotgan tanqidlarga munosabat bildirdi.
“Menimcha. bu sovrinlar qaysidir ma’noda o‘z qiymatini yo‘qotmoqda. Biz butun mavsumni tahlil qilishimiz lozim. Bu Messi sovringa loyiq emasligini bildirmaydi. Yoki Holand, yoki Mbappeni.
Shunchaki men endi bu sovrinlarga ishonmayman. Raqamlar mavjud — bu fakt va ular yolg‘on gapirmaydi. Ular mendan sovrinni (dunyoning eng yaxshi to‘purari) olib qo‘yolmaydi. Raqamlar buni tasdiqlashi meni xursand qiladi.
Qachondir “Oltin to‘p” yoki The Best’ni qo‘lga kiritamanmi? Boshqa tashkilotlar qanday ishlashini bilamiz. Men doim klub va terma jamoam haqida o‘ylaganman. Klub va terma jamoadagi yaxshi mavsumdan keyin sovrinlar keladi. To‘g‘risini aytsam, bu haqida ko‘p ham o‘ylamayapman”, — deydi “An-Nassr” hujumchisi Record’ga bergan intervyusida.
