Maosh 2 ming yevrodan yuqori: O‘zbekistonliklar Germaniyaga turli sohalarga ishga taklif qilinmoqda 

O‘zbekistonliklar Germaniyaga maoshi 2000 yevrodan baland bo‘lgan bir qator sohalarda ishga taklif etilmoqda. Bu haqda Tashqi mehnat migratsiyasi agentligi axborot xizmati xabar berdi. 

Unga ko‘ra, Germaniyaning bir qator tashkilotlari bilan hamkorlikka ko‘ra fuqarolar xizmat ko‘rsatish, ishlab chiqarish, tibbiyot va qurilish sohalariga ishga taklif etiladi. Quyidagi ro‘yxatdan o‘tishi mumkin:

• Duvenbeck – yuk avtomobili haydovchisi, oylik maosh 2200 yevrodan boshlanadi — Ro‘yxatdan o‘tish;
•  NoVo Agency – hamshiralik va parvarish sohasi, oylik maosh 1800 yevro va kasbiy tasdiqlangandan keyin 2200 yevrodan boshlanadi. Buxoro shahrida nemis tilini o‘qitish bo‘yicha dastur yo‘lga qo‘yilgan — Ro‘yxatdan o‘tish;
• ConsultingUz – yuk avtomobillariga texnik xizmat ko‘rsatish va ularni boshqarish, oylik maosh 1800 yevrodan boshlanadi. Farg‘ona, Andijon, Toshkent, Samarqand va Navoiy shaharlarida nemis tilini o‘qitish bo‘yicha dastur yo‘lga qo‘yilgan. Xorazm shahrida nemis tilini o‘qitish dasturi rejalashtirilmoqda — Ro‘yxatdan o‘tish;
• Hamshiralik, oylik maosh 1800 yevrodan boshlanadi — Ro‘yxatdan o‘tish; 
• mehmonxona, restoran ishi, oylik maosh 1800 yevrodan boshlanadi — Ro‘yxatdan o‘tish;
• Globogate Concept AG – hamshiralik, oylik maosh 2200 yevrodan boshlanadi. Nemis tilini o‘qitish bo‘yicha Toshkent, Angren va Nukus shaharlarida dastur yo‘lga qo‘yilgan. Andijon shahrida nemis tilini o‘qitish dasturi rejalashtirilmoqda — Ro‘yxatdan o‘tish;
• The International Placement People – mehmonxona, restoran ishi, oylik maosh 1800 yevrodan boshlanadi — Ro‘yxatdan o‘tish;
•  ECH Heyede GmbH (Kanneloni) – mehmonxona, restoran ishi, oylik maosh 1800 yevrodan boshlanadi — Ro‘yxatdan o‘tish.