Konor Makgregor rol ijro etgan filmning treyleri e’lon qilindi 

Ikki vazn toifasida UFC sobiq chempioni Konor Makgregor ilk bor kinoda rol ijro etdi.

Makgregor va Jeyk Jillinhol ishtirokidagi “Yo‘l bo‘yidagi uy” filmining rasmiy treyleri e’lon qilindi.

Film Dalton ismli sobiq UFC jangchisining Florida-Kisga ishlashga borgani haqida hikoya qiladi. Filmda rollardan birini sobiq UFC chempioni Konor Makgregor ijro etgan. Dalton rolini esa Hollivud yulduzi Jeyk Jillinhol gavdalantirgan.

Ushbu film 1989-yilda ishlangan, Patrik Sueyzi bosh rolni ijro etgan kartinaning remeyki hisoblanadi.

Kino premyerasi 21-martga mo‘ljallangan.