Konor Makgregor: “1-yanvar kuni oktagondagi navbatdagi raqibim kimligini aytaman” 

Ikki vazn toifasida UFC sobiq chempioni Konor Makgregor (22-6) 1-yanvar kuni keyingi raqibi kim bo‘lishini ma’lum qiladi.

“2024-yilning ilk sanasida jang sanasi va raqibim kimligini ma’lum qilaman.

Sport tarixidagi eng buyuk kambek bo‘ladi”, — deb yozdi irlandiyalik jangchi ijtimoiy tarmoqdagi sahifasida.

Eslatib o‘tamiz, Makgregor so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.

Avvalroq, bokschi Oleksandr Usik Konorni jangga chorlagani xabar qilingandi.