Konor Makgregor: “Navbatdagi jangim bahorda bo‘lib o‘tadi” 

Ikki vazn toifasida UFC sobiq chempioni Konor Makgregor (22-6) qachon oktagonga qaytmoqchiligini aytib o‘tdi.

Irlandiyalik sportchi 2024-yilning bahorida jang o‘tkazmoqchiligini ma’lum qildi.

“Bahorda keyingi jangimni o‘tkazaman. Hozir faol tayyorgarlik bosqichida emasman, lekin doping-test topshiraman, har kuni mashg‘ulot o‘tayapman.

Raqib kim? Maykl Chendler ehtimoliy raqib edi, menimcha, u bilan jang qilamiz”, — deydi Konor.

Eslatib o‘tamiz, Makgregor so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.

Avvalroq, bokschi Oleksandr Usik Konorni jangga chorlagani xabar qilingandi.