Krishtianu Ronaldu va Konor Makgregor uchrashdi, Entoni Joshua 2023-yilda mag‘lub bo‘lmadi, Neymar esa qizining suratini joyladi. Instagram’da sport vakillarining qiziqarli suratlari

Jahon va o‘zbek sporti vakillarining Instagram sahifalariga joylashtirilgan qiziqarli fotolarni e’tiboringizga havola etamiz.

“An-Nassr” futbolchisi Krishtianu Ronaldu Saudiyada bo‘lib o‘tgan boks oqshomida Konor Makgregor bilan tushgan suratini Instagram sahifasiga joyladi.

“Sport o‘lchovlarini butunlay boshqa darajaga olib chiqish. Betakror sinchkovlik va ijro. Hayratlanishdan to‘xtab bo‘lmaydi”.

Konor Makgregor ham Ronaldu bilan birga tushgan suratni o‘z Instagram sahifasida ulashib, fonga 2Pac’ning qo‘shig‘ini qo‘ydi.

Saudiyadagi boks oqshomining asosiy jangida Otto Vallinni mag‘lub etgan Entoni Joshua Instagram sahifasiga quyidagi suratni joylab, “3/3. 2023” izohini yozib qo‘ydi. Ma’lumot uchun Joshua joriy yil 3 ta jang o‘tkazdi (Jermeyn Franklin Junior, Robert Helenius va Otto Vallinga qarshi) va uchalasida ham g‘olib bo‘ldi.

All praise to the most high!

O‘FA rasmiy Instagram sahifasi terma jamoa futbolchilarining mashg‘ulotlaridan videolavhalarni ulashdi. Eslatib o‘tamiz, O‘zbekiston terma jamoasi 25-dekabr kuni Qirg‘izistonga qarshi o‘rtoqlik o‘yinini o‘tkazadi.

Hozirda “Fotih Karagyumryuk” sharafini himoya qilayotgan o‘zbekistonlik futbolchi Otabek Shukurov BAAga tashrif buyurib, sobiq jamoasi “Sharja”ning chempionat doirasidagi navbatdagi o‘yinini stadiondan tomosha qildi.