Rossiyada qiyin ahvolda qolgan ikki o‘zbekistonlik vatanga qaytarildi
Rossiyaning Sankt-Peterburg, Irkutsk hududlarida qiyin moliyaviy ahvolda qolgan ikki o‘zbekistonlik vatanga qaytarildi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, Tataristondagi “NP SMA”, Sankt-Peterburgdagi “KMZ”, Samaradagi “PSA VIS-AVTO”, Voronejdagi “Meros”, Kirovdagi “Promotey”, Boshqirdiston, Nijniy Novgorod, Tuladagi korxonalarda ishlayotgan o‘zbekistonliklar hamda ularning ish beruvchisi bilan uchrashuvlar tashkil etildi.
Sankt-Peterburg, Irkutskda qiyin moliyaviy ahvolda qolgan J.Y. va M.D. Irkutsk—Toshkent, Sankt-Peterburg—Toshkent yo‘nalishlaridagi aviareyslar orqali vatanga qaytarildi. Voronej va Blagoveshenskda murakkab vaziyatda qolgan fuqarolarga moddiy yordam ko‘rsatildi. Moskva viloyatida yurtdoshlarning ishonchsiz ish beruvchi tomonidan olib qo‘yilgan pasportlari undirib berildi.
