Kilian Mbappe tez orada kelajagi borasida qarorni e’lon qiladi 

“PSJ” hujumchisi Kilian Mbappe fevral oyida kelajagi borasidagi qarorni e’lon qiladi.

Marca nashrining xabariga ko‘ra, fransuz Parij jamoasi bilan shartnomani uzaytirmasligini e’lon qilishi kutilmoqda.

“Real” hozirda Mbappening transferi bo‘yicha ishlarni boshlagan va klub Vinisius Junior, Jud Bellingham va Kilian Mbappe kabi eng qimmat futbolchilarni bir jamoada o‘ynashini istamoqda.

Undan tashqari, “Madrid” futbolchini qo‘lga kiritishga endi imkon bo‘lishiga ishonmoqda. 

Kilian “Real”ga o‘tish yo o‘tmasligi haqida gapirmaydi, biroq, parijliklar bilan shartnomani uzaytirmasligini ma’lum qiladi.

25 yoshli futbolchi joriy mavsum “PSJ” safida 27 ta o‘yinda maydonga tushib, 28 ta gol va 6 ta golli uzatmaga mualliflik qildi.