Los-Anjelesda “Kalmar o‘yini” seriali yulduzining uyiga o‘g‘ri tushdi

Los-Anjelesda “Kalmar o‘yini” seriali yulduzi, koreyalik aktyor Li Ben Xonning uyini o‘g‘rilar tunab ketdi.

O‘g‘rilik u uyda bo‘lmagan paytda sodir bo‘lgan. Aktyor jamoasi aʼzolaridan biri uning uyiga o‘g‘ri tushganligini aniqlagan va bu haqda aktyorni ogohlantirgan.

Manbalarga ko‘ra, o‘g‘rilar Li Ben Xonning uyiga oynali eshikni sindirish orqali kirgan. Hozircha nima o‘g‘irlangani va ularning qiymati nomaʼlumligicha qolmoqda. Nashrning xabar berishicha, aktyor haqiqatda nima bo‘lganini aniqlash uchun yaqin kunlarda politsiyaga murojaat qiladi.

Huquq-tartibot xodimlari Li o‘g‘rilarning asosiy nishoni bo‘lganiga ishonadi.

Ularning qayd etishicha, jinoyat hududdagi badavlat mahallalarni talon-toroj qiladigan o‘g‘rilardan birining ishi bo‘lgan.