O‘zbekistonda pedagoglar yana bir holatda davlat boji to‘lashdan ozod qilindi
O‘zbekistonda pedagoglar sudga shikoyat qilganda davlat boji to‘lamasligi belgilandi.
Prezident tomonidan imzolangan “Pedagogning maqomi to‘g‘risida”gi qonun bilan “Davlat boji to‘g‘risida”gi qonunga quyidagi qo‘shimchalar kiritildi. Unga asosan endilikda pedagog xodimlar kasbiy faoliyatini amalga oshirish davomida o‘z shaʼni, qadr-qimmati va ishchanlik obro‘sini himoya qilish bilan bog‘liq ishlar yuzasidan Fuqarolik ishlari bo‘yicha sudlarda davlat bojini to‘lashdan ozod qilinadi.
Shuningdek, pedagog xodimlar kasbiy faoliyatini amalga oshirish davomida pedagog xodimlarning huquqlarini buzayotgan davlat organlarining g‘ayriqonuniy qarorlari, mansabdor shaxslarining harakatlari (harakatsizligi) ustidan Maʼmuriy sudlarga shikoyat qilganda davlat bojini to‘lashdan ozod qilinadi.
