Srechko Katanes: “Iste’fo? Hazillashyapsizmi?”  

Futbol bo‘yicha Osiyo Kubogining chorak finalida O‘zbekiston terma jamoasi Qatarga penaltilar seriyasida mag‘lub bo‘lib, musobaqani tark etdi.

Uchrashuvdan so‘ng terma jamoa bosh murabbiyi Srechko Katanes o‘z fikrlarini bildirib o‘tdi.

“Qayg‘uli lahzalar? (kulib), bu futbolning bir qismiligini tan olishingiz kerak. Osiyo Kubogini yaxshi o‘tkazdik. Bugun ham yaxshi o‘yin bo‘ldi, bir qancha vaziyatlarga ega bo‘ldik. Penaltilarda esa omad kelmadi.

Endi ruhiy jihatdan kuchli bo‘lish kerak. Xafa emasman. Bu — futbol. Biz ko‘p, ko‘p, ko‘p xohlaymiz. 

Iste’fo? Hazillashyapsizmi?”, — deya javob berdi O‘zbekiston terma jamoasi bosh murabbiyi.