O‘zbekiston 2023-yilda dunyodagi ikkinchi eng yirik oltin sotuvchi davlatga aylandi
O‘zbekiston 2023-yil oxirida oltin sotish bo‘yicha dunyoda ikkinchi o‘rinni egalladi. Bu haqda Jahon oltin kengashi (World Gold Council) ma’lumotlarida keltirilgan.
O‘zbekistonning oltin bo‘yicha sof savdosi 25 tonnadan ortiqni tashkil etib, birinchilikni egallagan Qozog‘istondan ikki barobar kam ko‘rsatkichni qayd etgan.
2023-yilda Xitoy qariyb 230 tonna bilan qimmatbaho metallning asosiy xaridoriga aylangan. Undan keyingi o‘rinlarda Polsha, Singapur, Liviya va Chexiya turibdi. Dekabr oyida jahon markaziy banklarining oltin-valyuta zaxiralari 28 tonnaga oshgan, bu qimmatbaho metallarni sotib olish trendi davom etayotganini anglatadi. Oltinning asosiy xaridori 18 tonna bilan Turkiya bo‘ldi.
Ikkinchi va uchinchi o‘rinlarda esa 9 tonna oltin bilan O‘zbekiston va Xitoy joylashgan. O‘tgan yil oxirida eng yirik oltin sotuvchilari Qozog‘iston (10 tonna) va Qirg‘iziston (2 tonna) bo‘lgan.
Oktyabr va noyabr oylarida xorijga 22 tonna oltin sotgan holda O‘zbekiston dunyoning eng yirik oltin sotuvchisiga aylangan.
