Xorazmda tibbiy hisobda turadigan erkak bedarak yo‘qoldi

Xorazm viloyati Yangibozor tumanida tibbiy hisobda turadigan erkak bedarak yo‘qoldi. Bu haqda viloyat IIB axborot xizmati xabar berdi. 

Ma’lumotga ko‘ra, u 2024-yil 22-yanvar kuni soat taxminan 10:00 lar atrofida uyidan noma’lum tomonga chiqib ketib, bedarak yo‘qolgan. Alohida belgilari: bo‘yi 160-165 sm, sochlari olingan, soqoli o‘sgan holda, o‘zi haqida qisman ma’lumot bera oladi, aqliy zaiflikning o‘rta darajasi tashxisi bilan tibbiy hisobda turadi, yurganda o‘ng oyog‘i oqsaydi.

Ushbu shaxs to‘g‘risida biron-bir ma’lumotga ega bo‘lgan yurtdoshlardan 102, 62-41-94-054 raqamlariga telefon orqali xabar berish so‘raldi.