“Real” Krishtianu Ronaldu to‘p surayotgan “An-Nassr”ga qarshi o‘rtoqlik o‘yini o‘tkazadi 

Madridning “Real” klubi yangilangan “Bernabeu” stadionida Krishtianu Ronaldu to‘p surayotgan “An-Nassr”ga qarshi o‘rtoqlik o‘yini o‘tkazishi mumkin.

Jurnalist Saud al-Saramining ma’lum qilishicha, “Madrid” jamoasi “Santyago Bernabeu” stadionining ta’mirlash ishlari yakuniga yetgach, Saudiya klubini o‘rtoqlik o‘yiniga taklif etadi.

Hozircha, yangi “Santyago Bernabeu”ning ochilish marosimi qachon bo‘lishi aniq emas. Xabarlarga ko‘ra, ta’mirlash ishlari 2024-yilning oxiri yoki 2025-yil boshida yakunlanishi kutilmoqda

Eslatib o‘tamiz, Ronaldu 2009-yildan 2019-yilgacha “Real” sharafini himoya qilgan. Shuningdek, portugaliyalik futbolchi “qaymoqranglilar” tarixidagi eng yaxshi to‘purar hisoblanadi (438 o‘yinda 450 ta gol).