“Liverpul” sobiq o‘yinchisi Saloh va Virjil van Deyk jamoada qolishi sababini aytdi
Bosh murabbiy Yurgen Klopp klubdagi to‘qqiz yillik faoliyatini shu yozda yakunlamoqchiligi haqidagi xabar ortidan “Liverpul”ning yetakchi futbolchilari ham klubni tark etishi mumkinligi haqida mish-mishlar paydo bo‘la boshladi.
Van Deyk, Muhammad Saloh, shuningdek, Trent Aleksandr-Arnoldning shartnomasi 2024-yilda tugaydi, ammo, Makallisterning ta’kidlashicha, murabbiyning ketishi klubning mavqeiga soya solmaydi.
“Yurgen Klopp jamoadan ketishini e’lon qilgach, turli mish-mishlar avj oldi. Ammo “Liverpul” hali ham katta kuchga ega.
4 musobaqada ham g‘olib chiqish imkoni bo‘lib turganda, futbolchilar jamoani tark etishi mumkinligiga ishonmayman. Chunki hozirda juda ham kam jamoa “Liverpul”dan ustun”, — deydi Gari Makallister.
Eslatib o‘tamiz “Liverpul” keyingi uchrashuvini Premyer Liga doirasida “Brentford”ga qarshi o‘tkazadi.