Eng ko‘pi poytaxtda, eng kami Sirdaryoda. Qaysi hudud aholisida yengil avtomobillar soni ko‘pligi haqida maʼlumot berildi

2024-yilning 1-yanvar holatiga ko‘ra O‘zbekistonda jismoniy shaxslarga tegishli yengil avtomobillar soni 3 mln 759 ming 45 tani tashkil etadi. Bu haqda Statistika agentligi matbuot xizmati xabar berdi. 

Maʼlum qilinishicha, 2023-yil mobaynida jismoniy shaxslarga tegishli yengil avtomobillar soni 362 ming 525 taga oshgan. Hududlar kesimida jismoniy shaxslarga tegishli yengil avtomobillar sonining eng ko‘pi poytaxt Toshkentda – 597 ming 931 ta. Mazkur reytingda keyingi o‘rinda Samarqand viloyati – 417 ming 165 ta. 

Shuningdek, boshqa viloyatlarda:

• Qoraqalpog‘iston Respublikasi – 161 926 ta 
• Andijon viloyati – 271 885 ta
• Buxoro viloyati – 241 855 ta 
• Jizzax viloyati – 109 657 ta
• Qashqadaryo viloyati – 297 305 ta
• Navoiy viloyati – 109 274 ta
• Namangan viloyati – 247 032 ta 
• Surxondaryo viloyati – 233 675 ta
• Sirdaryo viloyati – 75 116 ta
• Toshkent viloyati – 414 645 ta
• Farg‘ona viloyati – 354 858 ta 
• Xorazm viloyati – 226 721 ta