Saudiya Pro ligasi tartib-intizom qo‘mitasi Ronalduning ishorasini tekshirmoqda

Kecha, 25- fevral sanasida Saudiya Arabistoni chempionatining 21-turida “An-Nassr” jamoasi “Ash-Shabab”ni 3:2 hisobida mag‘lub etdi.

Mehmonda o‘tkazilgan o‘yin oxirida Ronaldu mezbon muxlislarning “Messi! Messi!” degan ovozlarini eshitdi va chap qo‘lini qulog‘iga qo‘ydi. So‘ngra muxlislarga qarab nomaqbul ishora qildi.

Saudiya Arabistoni futbol federatsiyasining tartib-intizom va axloq qo‘mitasi ushbu hodisa yuzasidan shoshilinch tekshiruv boshladi, deya xabar bermoqda Goal nashri. “An-Nassr” tomoni video sun’iy intellekt tomonidan yaratilganini da’vo qilmoqda.

Ushbu epizod bo‘yicha qaror ikki kun ichida qabul qilinishi kutilmoqda.

“An-Nassr” jamoasi ushbu g‘alabadan so‘ng Saudiya Pro ligasida 52 ochko to‘plab ikkinchi o‘rinda bormoqda.