“Garri Potter”dagi sehrli iboralarni o‘rganib olgan it TikTok’ni zabt etdi
Toronto shahrida yashovchi Odriana Li va uning Dobbi laqabli iti TikTok’ni zabt etmoqda. Kuchuk “Garri Potter” filmidagi sehrli so‘z va afsundan iborat buyruqlarni bajara oladi, deb yozmoqda New York Post.
Fevral oyining boshlarida TikTok foydalanuvchisi 3 yashar Dobbining turli buyruqlarni so‘zsiz bajargani aks etgan video bilan bo‘lishgan edi. Bir necha hafta ichida video 5 million marta ko‘rildi va 600 mingdan ortiq layk yig‘di.
“Aktsio!” degan buyruqqa kuchuk yugurib keladi, “Immobilyus” desangiz, joyida jim turadi, “Avada kedavra” so‘zini eshitganda kuchuk o‘zini o‘likka solib yotadi.
Bundan tashqari, Dobbi quyidagi buyruqlarni ham bajara oladi:
Yerga yotish — “Ostolbeney”
Suv ichish — “Argumenti”
Orqaga yurish — “Relatio”
Boshni egish — “Duro”
Sakrash — “Astendio”.
